Edit Content
NAGA CITY GOVERNMENT

City News

City of Naga, Bikol, Philippines : Today is  December 2, 2022

Programa sa paglaag nin Wi-Fi sa mga barangay, papakusogon

LIBRENG internet service para sa mga kaakian mas papahiwason asin papakusogon para sa magian na pag-adal. Kabali sa implementasyon kan comprehensive community Wi-Fi an pagsyerto na maging tama an pagpakinabang kan pasilidad.
LIBRENG internet service para sa mga kaakian mas papahiwason asin papakusogon para sa magian na pag-adal. Kabali sa implementasyon kan comprehensive community Wi-Fi an pagsyerto na maging tama an pagpakinabang kan pasilidad.

SARONG ordinansa an nakatalaan e-endorso ni City Councilor Joselito del Rosario asin ni ex-officio City Councilor Corazon Peñaflor tanganing pahiwason pa asin pakusogon an programang naghohorot na maglaag nin community Wi-Fi sa 27 na barangay kan syudad nin Naga.

An lokal na gobyerno kan syudad nin Naga igwa na nin mga Wi-Fi na kinabit sa mga barangay hall o day care centers asin haloy nang napapakinabangan an libreng serbisyo, alagad hineheling na kulang pang marhay asin may beses apektado an internet signal.

Segun ki Del Rosario, itotolod kan ordinansa an comprehensive community Wi-Fi na igwa nin mahiwas na scope o coverage asin dagos-dagos an serbisyo bako lang para sa mga estudyantes kondi magin kan general public.

Oktubre kan taon 2021, pinoonan ni Alkalde Nelson Legacion an community Wi-Fi project bilang kasimbagan sa kahagadan kan mga hobenes para sa libreng internet service sa panahon na yaon sa kakusogan an pandemya.

(Jason B. Neola, CEPPIO.)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph