NAGA CITY GOVERNMENT

City News

City of Naga, Bikol, Philippines : Today is  September 24, 2022

Pork price sa Naga pigbawasan

BAWAS na an kada kilo nin karneng orig sa merkado publiko kan syudad nin Naga mantang mantenido an supply nin livestock.
BAWAS na an kada kilo nin karneng orig sa merkado publiko kan syudad nin Naga mantang mantenido an supply nin livestock.

PIGKUNPIRMAR ni City Councilor Jesse Albeus an pagbaba kan presyo nin karneng orig sa merkado publiko kan syudad nin Naga huli sa mantenidong supply nin livestock.

Segun ki Albeus, chairman kan Consumers’ Protection Committee kan Sangguniang Panlungsod, nanutaran kan mga nakaaging semana an halangkaw na presyo kan pork sa Naga City People’s Mall na nag-abot sa P350 per kilo huli sa irregular na supply buhay na orig.

Huli digdi, napag-uyunan sa committee hearing kan Setyembre 19 na pig-atendiran kan Department of Trade and Industry, Department of Agriculture, Naga City Abattoir, Market Enterprise and Promotions Office asin kan Naga City Meat Vendors Association na manteniron an supply kan buhay na orig sa syudad.

Sa committee report na pigheras ni Albeus manungod sa presenteng pork price sa nasambit na saudan, nagbaba sa P320 an kilo nin kasim, P340 sa kada kilo nin laman, pork ribs, P290 asin pata, 260.

(Paulo Delos Santos, CEPPIO)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph