NAGA CITY GOVERNMENT

City News

City of Naga, Bikol, Philippines : Today is  September 24, 2022

Lakdang laban sa online sexual abuse, exploitation of children

SI Bise-Alkalde Cecilia V. de Asis mantang pigpapaheling sa myembros kan lokal na media an computer-generated na retrato nin sarong lalaki na imbwelto sa pag-ataman nin mga kaakian sa saiyang komunidad sa patubod na papaeskwelahon sinda, alagad, piggagamit lang sa pagdelehensiya nin kwarta sa paagi nin pag-video kan saindang mga lumbod na lawas na ipinapabakal niya sa mga paedophiles sa ibang nasyon sa paagi nin online.
SI Bise-Alkalde Cecilia V. de Asis mantang pigpapaheling sa myembros kan lokal na media an computer-generated na retrato nin sarong lalaki na imbwelto sa pag-ataman nin mga kaakian sa saiyang komunidad sa patubod na papaeskwelahon sinda, alagad, piggagamit lang sa pagdelehensiya nin kwarta sa paagi nin pag-video kan saindang mga lumbod na lawas na ipinapabakal niya sa mga paedophiles sa ibang nasyon sa paagi nin online.

KAPAKIPAKINABANG si piggibong consultative/coordination meeting kasoodma, Agosto 23, kan nagkakapirang grupo tanganing maibosol na toltol an laban kontra sa online sexual abuse and exploitation na pighahandalan posibleng mangyari man sa laog kan syudad nin Naga.

Pigsaysay ni Bise Alkalde Cecilia de Asis na kadakol nin inputs asin rekomendasyon na pigtao an mga imbitadong nagbali sa meeting na importanteng gayo sa paghaman nin sarong ordinansa na matao nin kapusugan asin organisadong paghiro tanganing maitolod an kampanya.

Alagad, sinabi kan bise alkalde na dakol pang sitwasyon an kaipuhan tawan nin konsiderasyon sa pagpasar nin ordinansa tanganing mai-implementar na marhay.  Pigtaong halimbawa kaini na kaipuhan an ordinansa igwa nin pig-oopresir na livelihood, bako sanang pagtao nin penalidad o padusa, sa mga magurang na imbwelto sa online sexual abuse, exploitation nin mga aki.

“Igwa kayang mga magurang na minaggibo kan siring sa saindang mga kaakian huli kan grabeng pagtios,” sabi pa kan opisyal.

An laban kontra pang-aabuso asin exploitation kan mga kaakian, pigtotolod kan syudad nin Naga kaibahan an International Justice Mission, sarong international non-government organization na makusog na katuwang sa pagpaotob kan human rights, asin kan mga leyes na katakod kaini kaibahan na an law enforcement.

(Jason B. Neola, CEPPIO)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph