Edit
NAGA CITY GOVERNMENT

City News

City of Naga, Bikol, Philippines : Today is  October 4, 2022

Parking space kan NCPM sa pyesta para sa street vendors

SARO sa mga pasilyo kan Naga City People’s Mall sa ground floor na napapano nin street vendors pirang aldaw bago an kapiyestahan ni Nuestra Señora de Peñafrancia.
SARO sa mga pasilyo kan Naga City People’s Mall sa ground floor na napapano nin street vendors pirang aldaw bago an kapiyestahan ni Nuestra Señora de Peñafrancia.

LABING sarong bulan bago an kapyetsahan kan mahal na Ina, nag-abiso na si Market Superintendent Ramon Florendo sa mga motorista na ookuparon kan street vendors an parking space kan Naga City People’s Mall, sa J. Hernandez Ave., sa Setyembre 15 sagkod 17 nin banggui.

Segun ki Florendo, pamayo kan Market Enterprise and Promotions Office, normal sa nasambit na saudan na mapano nin mga street vendors an mga pasilyo kaini, pirang banggui bago an pyesta, kaya pigmarhay kan saiyang opisina na tawan nin pwesto an iba pang vendors na mawot magtinda sa Barangay Igualdad, sa parking space kan merkado.

Pigsyerto ni Florendo an pormal na bulos nin trapiko asin mantenidong paz y orden sa palibot kan merkado sa pyesta asin ipapasunod sa mga street vendors an health protocols asin guidelines kan road widening kan gobyerno nasyonal.

(Paulo Delos Santos, CEPPIO.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph