NAGA CITY GOVERNMENT

City News

City of Naga, Bikol, Philippines : Today is  August 11, 2022

Pagmidbid sa WWII veterans sa Naga

Duwa sa apat na WWII veterans nagresibe nin stipend gikan sa lokal na gobyerno kan Naga kasubagong aga, Hulyo 21, ngonian na taon. Yaon sa retrato sinda dating Judge Salvador G. Cajot (nasa wala) asin si dating COA-Camarines Sur provincial director Santiago R. Aquino, (nasa too).
Duwa sa apat na WWII veterans nagresibe nin stipend gikan sa lokal na gobyerno kan Naga kasubagong aga, Hulyo 21, ngonian na taon. Yaon sa retrato sinda dating Judge Salvador G. Cajot (nasa wala) asin si dating COA-Camarines Sur provincial director Santiago R. Aquino, (nasa too).

SIRING kan pigmamawot, buhay asin maogma an apat na natatadang beterano kan syudad nin Naga kan World War II, asin Korean War kan magbisita an lokal na gobyerno kan Naga sa saindang mga residensya.

An mga beterano pigbistong sinda Santiago R. Aquino, kan Barangay Tinago; Salvador G. Cajot, kan Barangay Bagumbayan Sur; Lourdes V. Morano, kan Naga City Subdivision asin si Florencio R. Rosales kan Barangay San Felipe, gabos sa syudad nin Naga, nagresibe nin P10,000 sa lindong kan additional stipend for surviving veterans of the Philippines program.

An pamilya kan beteranong si Salvador V. Parco, kan Barangay Triangulo, syudad nin Naga nagresibe man nin kaparehong kantidad dawa binawian na ini nin buhay kan Abril 25, 2022.

Apwera sa pagsaludar sa saindang pagiging maisog, pigtatao an P10,000 na stipend sa mga beterano bilang pagkomple sa city ordinance no. 2019-038 na nagtatao nin kasuguan na tawanan nin stipend an mga beterano kan syudad taon-taon.

(Paulo Delos Santos, CEPPIO. Retrato kua ni Reynaldo Baylon, CEPPIO.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph