Edit Content
NAGA CITY GOVERNMENT

City News

City of Naga, Bikol, Philippines : Today is  December 6, 2022

Emergency preparedness sa mga empleyado kan gobyerno

Mga empleyado kan Naga City Hall nagpapahilot kontra stress, tabang tanganing malikayan an helang.
Mga empleyado kan Naga City Hall nagpapahilot kontra stress, tabang tanganing malikayan an helang.

Tanganing mailikay an mga empleyados kan lokal na gobyerno kan Naga, asin kan national government agencies sa malalang health situations mantang yaon sa paggibo kan saindang trabaho, pigmarhay na ipasairarom sinda sa training na may titulong “training on workplace emergency and preparedness” sa Hulyo 27 sagkod 28 sa PSO training hall.

Segun ki City Disaster Risk Reduction and Management Officer Ernesto Elcamel, saro sa lambang opisina kan city hall asin kan national government agencies an obligadong magsairarom sa training kun saen manunudan ninda an basic first aid and life support magin an tamang paglikay sa mga helang.

Huli digdi malilikayan an malalang health situation kan saindang pag iriba sa opisina oras na atakehon o biglaan na magin maluya huli sa helang na pwedeng magkawsa nin pagkaabala sa pagtao nin serbisyo.

Susug sa Joint Memorandum Circular No 1, series of 2020 kan Civil Service Commission, Department of Health asin Kan Department of Labor and Employment, mandatory na gigibuhon an training.

(Paulo S. Delos Santos, CEPPIO.)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph