Edit Content
NAGA CITY GOVERNMENT

City of Naga, Bicol, Philippines : Today is  March 22, 2024

Bishop Gainza Trade Fair, 12 anyos na

An booth kan Department of Agrarian Reform sa Camarines Sur bilang saro sa mga nagpartisipar sa Bishop Francisco Gainza Trade Fair kan 2018 na piggibo sa Robinsons Place Naga. (Retrato hale sa Facebook kan BFGTF).
An booth kan Department of Agrarian Reform sa Camarines Sur bilang saro sa mga nagpartisipar sa Bishop Francisco Gainza Trade Fair kan 2018 na piggibo sa Robinsons Place Naga. (Retrato hale sa Facebook kan BFGTF).

Liwat na mabibisita na naman kan publiko an mga tyendahan o stalls kan Bishop Francisco Gainza Trade Fair (BFGTF) pagkatapos na ipagmarhay kan Archdiocese of Caceres na ibwelta an operasyon kan trade fair na nakatalaan gibohon sa Setyembre 8-18, ngonian na taon sa Robinsons Place Naga.

Kan taon 2020, piggibong virtual an trade fair na pig-apod “Online Market ni Gainza” o OMG huli kan Covid-19 mantang kan 2021, nagin limitado lang sa limang aldaw an pagbukas kan mga tyendahan na dae maabot sa 50 an numero huli kan ipinagpapaotob na health protocols.

Naglalaom si Fr. Marc Real, chairman kan BFGTF, na matatabangan ninda na makabawi sa saindang mga negosyo an grupo nin mga micro, small, asin medium enterprises (MSMEs) na kabali sa trade fair huli kan marhay na exposures kan saindang mga podukto. Sinabi ni Real na siring kaini an katuyuhan ni Bishop Gainza kan gibohon an sarong trade fair kan siya nagin obispo kan Diocese kan Nueva Caceres.

An BFGTF, na gigibohon sa laog nin 11 na aldaw, igwa ngonian nin stalls o slots para sa 100 na MSMEs asin 60 kaiyan an okopado na. Imbes na magsingil nin P13,000 bilang participation fee, an organizers kan trade fair makolekta na lang nin P8,000 sa lambang stall.

(Jason Neola, CEPPIO.)

We'd love to hear from you. Pls. leave a comment below.

0 Comments
Inline Feedbacks
View all comments
Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph

0
Would love your thoughts, please comment.x
()
x