Edit Content
NAGA CITY GOVERNMENT

City News

City of Naga, Bikol, Philippines : Today is  December 3, 2022

LGU Naga, LTO: Para sa mas marhay na pag-otob sa traffic laws, regulations

Si Alkalde Legacion (ikaapat hale sa wala) asin LTO Reg’l Dir. Francisco Ranches Jr. (ikaapat hale sa to-o), sa saindang fist bump pagkatapos na pirmahan an memorandum of agreement. Yaon man sa retrato sinda (hale sa wala pasiring sa to-o): City Councilors Mila Raquid-Arroyo, Gregorio Abonal, Ghiel Rosales, Elmer Baldemoro, Jessie Albeus, sarong empleyado kan LTO, asin Antonio Beltran.

Magkasabay na pigpirmahan ninda Alkalde Nelson Legacion asin Regional Director Francisco Ranches Jr. kan Land Transportation Office (LTO) ngo  An kasunduan kan LGU Naga asin LTO iyo an mandato kan Republic Act 10930 na pighohorot an marhay na pagpapotob kan traffic code asin ley sa land transportation kaibahan na an mga panundon dapit sa pag-issue nin driver’s license kan nasambit na government agency.

An memorandum of agreement pighaman base sa Resolution 2021-249 na pig-endorso ni City Councilor Joselito S.A. del Rosario asin kan City Youth Councilor counterpart, Averly Jerryl Escoto, sa Sangguniang Panlungsod kan Mayo 11, ngonian na taon.

Hagad kan Republic Act 10930 na isumitir kan syudad an lista nin traffic violations sa LTO asin tabangan kan LGU an LTO na lalo pang mapakarhay an sistema sa trapiko sa laog kan syudad siring man tabangan pa an ahensya kan gobyerno sa pagpapaotob nin mga road safety rules and regulations.

Kabali sa itataong tabang kan syudad an pagpadara sa LTO Naga City District Office kan apprehension report sa laog nin dae malampas sa sampulong aldaw (10 working days) poon kan gibohon an pagdakop.

Pighahagad pa sa MOA an pagpadara kan syudad sa LTO nin kumpletong updated report dapit sa mga apprehension cases kabali an impormasyon kun baga an pagdakop pigpaagi pa sa adjudication o pag-oorolay, uncontested or affirmed o pig dismissed. An report, susog sa MOA, kaipuhan maipadara sa LTO sa laog nin tolong aldaw (3 working days) pagkatapos na magpaso an prescribed contest period asin iyo an babasehan sa pagtao nin demerit point sa violator.

An LTO mahaman nin sarong point system na iyo an babasehan tanganing madeterminaran an eligibility o kakayahan kan driver applicants sa saindang pigmamawot na license transaction o klase nin lisensya na boot nindang makoa.  An point system gagamiton man bilang pangenot na kasangkapan sa pagbisto asin pagtao nin penalidad sa mga repeat offenders nin mga batas trapiko.

An RA 10930 naghohorot na tawan nin 10-year validity an driver’s license kan siisay man na driver na igwa nin magayon na record asin mayo nin traffic violations sa arin man na traffic laws na nakasurat sa RA 4136.

 

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph