NAGA CITY GOVERNMENT

City News

City of Naga, Bikol, Philippines : Today is  August 20, 2022

Batch 2 kan SEFE nagpoon nang magtrabaho

Mag-estudyanteng aplikante kan SEFE nagaasikaso nin mga requirements tanganing magin beneficiaries kan magayon na programa na pigbobosol kan syudad sa lindong kan administrasyon ni Alkalde Nelson Legacion.
Mag-estudyanteng aplikante kan SEFE nagaasikaso nin mga requirements tanganing magin beneficiaries kan magayon na programa na pigbobosol kan syudad sa lindong kan administrasyon ni Alkalde Nelson Legacion.

Nagpoon nang magtrabaho an 140 estudyantes na mga beneficiaries kan Summer Employment for Enrollment (SEFE) program kan Hulyo 18 sagkod ika-20 nin Agosto.

Mandato kan program ana matawan nin temporaryong trabaho an mga estudyantes tanganing matawan sinda nin tabang sa saindang pageskwela.

Kan nakalihis na Hunyo 20 sagkod Hulyo 15, nagtrabaho paramyentras sa lokal na gobyerno kan syudad nin Naga an 330 na mga estudyantes kaya nakatipon nin bastanteng kwarta na ipambabayad ninda bilang tuition fee para sa sunod na burukasan klase.

Alagad padagos na naghahalat an 240 estudyante na beneficiaries kan Special Program for Employment of Students (SPES) sa go signal kan Department of Labor and Employment tanganing makapoon na kan saindang temporalmenteng pagtrabaho sa gobyerno.

Pigkakarkulong 470 estudyante ngonian na taon an nakalista bilang beneficiaries kan SEFE mantang 240 an SPES workers, mas dakol kumpara sa SEFE workers kan nakalihis na taon, kompwesto nin 300 students asin 167 sa SPES.

(Paulo S. Delos Santos, CEPPIO. Photo by Reynaldo Baylon.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph