LAEN kan police visibility asin marikas na pagresponde kan mga personahes kan Bicol Central Station (BCS) sa mga reklamo asin paghagad nin asistensya kan mga pasahero, orog na magiging makusog an pagmantenir kan pas y orden sa laog kan pasilidad huli kan paglaag nin high-definition CCTV cameras.
Parte kan pag-andam sa pagroso kan mga pasahero pagkatapos kan New Year’s Day, pigtawan du-on ni Roderick Reforsado, manager kan BCS, na tapos na sinda sa mga coordination meetings kaibahan an LTO, LTFRB, PNP asin Tourist Police.
Pag-abot sa installation kan mga CCTVs, pigsabi ni Reforsado na magiging fully installed asin operational na sa aga, Disyembre 24, an mga CCTVs. Sa ngonian, sibot sa piggigibong inspection asin test runs kan mga CCTVs an Information and Technology Office sa pakikipagkoordinar sa contractor kan proyekto.
Pwera kan dati nang nakatakod na CCTVs sa mga stalls o mga tyendahan sa laog kan bus terminal, maabot sa 23 pang mga CCTVs an piglaag sa laog kan pasilidad laen pa kan mga CCTVs na pig install kan sarong mall na kasugpon kan terminal na kun saen igwa nin access an BCS.
(Jason Neola, CEPPIO.)
