Edit Content
NAGA CITY GOVERNMENT

City News

City of Naga, Bikol, Philippines : Today is  December 2, 2022

Propwestong ‘Salvar Buhay’ program pig-olayan

AN pag-orolay kan NCDDB sa propwestong Salvar Buhay program na may katuyuhang tabangan an mga PWUDS sa paghanap trabaho, karibay kan dating ilegal na gawi. (Brigada News FM photo)

TANGANING masyerto an pagbago kan persons who used drugs (PWUDS) sa syudad nin Naga pigmarhay kan Naga City Dangerous Drugs Board (NCDDB) na gibuhon an meeting kun saen pig-olayan an propwestong “Salvar Buhay” program.

Segun ki Police Leutenant Colonel Errol Garchitorena, city director for administration kan Naga City Police Office na myembro kan NCDDB, kan nakalihis na Huwebes, Setyembre 29, napag-olayan sa board meeting an skill development, sports asin livelihood programs para sa mga PWUDS na makikinabang sa Salvar Buhay.

Pigsabi ni Garchitorena, sa masunod na board meeting irerepresentar ki Mayor Nelson Legacion, nagtutukaw na chairman kan NCDDB, an propwestong programa.

Mantang piggigibo an meeting yaon sa Metro Manila an alkalde kaiba sinda Naga City People’s Council Chariman Elmer Sto. Domingo Jr asin si City Planning and Development Coordinator Wilfredo Prilles Jr para sa Philippine New Urban Agenda Round Table Discussions kun saen iheheras ninda an gawi kan lokal na gobyerno sa planning and budgeting kaiba an mga namamanwaan.

(Paulo S. Delos Santos, CEPPIO)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph