Edit Content
NAGA CITY GOVERNMENT

City of Naga, Bicol, Philippines : Today is  March 22, 2024

Para sa kaligtasan asin seguridad kan Nagueño

SI Alkalde Legacion asin mga pag-iriba sa pagbosol kan higot na kampanya laban sa kriminalidad.
Si Alkalde Legacion sa sarong command conference kaibanan an mga pamayo kan NCPO, PSO asin mga opisyales kan ciudad

Tanganing mas mapangatamanan pa an seguridad asin kaligtasan kan Nagueño, hinagad ni Alkalde Nelson Legacion sa Naga City Police Office na higotan pa an implementasyon kan mga security measures sa laog kan syudad laban sa ano man na krimen.

Hinurot kan alkalde an makusog na kampanya kontra sa kriminalidad durante kan pigpaapod niyang command conference na pig atendiran kan mga pamayo kan Naga City Police Office, Pubic Safety Office, asin mga opisyales kan lokal na gobyerno kan syudad.

Pinag-orolayan sa command conference an short and long term plans para sa safety and security campaign kan gobyerno lokal kaibahan na an pagpapatapos kan Center for Safety and Resiliency sa Balatas New Development Area, an pagbugtak nin modernong communication center, asin pag instelar nin high definition CCTV security cameras sa manlaenlaen na lugar kan Naga.

Tinawanan duon kan alkalde na papakusogon man an partisipasyon kan mga force multipliers, mga barangay tanod asin volunteers laen pa kan pag deploy nin mga pulis asin PSO personnel sa mga tago asin pwerang lugar kan syudad.

Segun ki City Administrator Elmer Baldemoro, an lakdang kan lokal na gobyerno mamamate kan publiko sa tahaw kan nakakatakot na mga insidente nin biglaan na pagkakawara nin tawo, kadaklan hoben na mga babae, na natatagbuan na sana na mayo na nin buhay asin biktima nin panlulugos.

(Jason B. Neola, CEPPIO.)

We'd love to hear from you. Pls. leave a comment below.

0 Comments
Inline Feedbacks
View all comments
Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph

0
Would love your thoughts, please comment.x
()
x