NAGA CITY GOVERNMENT

City News

City of Naga, Bikol, Philippines : Today is  August 20, 2022

Nutri-Nanay, Nutri-Ataman kontra undernourishment

Mga bados asin mga aki sa piggibong Nutri-Nanay asin Nutri-Ataman activity kan City Population and Nutrition Office.
Mga bados asin mga aki sa piggibong Nutri-Nanay asin Nutri-Ataman activity kan City Population and Nutrition Office.

Bilang paglikay sa stunting o pagkabansot asin pagkomple sa R.A. 11148 o “Kalusugan at Nutrisyon ng Mag-Nanay Act” pigkonduser an Nutri-Nanay asin Nutri-Ataman sa City People’s Hall kan Huwebes, Hulyo 28, ngonian na taon.

Segun ki Ray-An Rentoy, pamayo kan City Population and Nutrition Office, piggibo an medical consultation asin pagpanao nin vitamins sa target na 30 mga bados asin 30 mga undernourished na aki sa syudad, katuwang an Tomasinong Bikolnon, sarong grupo nin mga Bicolanong nutritionists na haloy nang katuwang kan LGU-Naga sa mga programang may kinaarman sa nutrisyon.

Pigsabi ni Rentoy na maninigo na helingon an nutritional status kan bados asin kan aki kaini sa tulak tanganing isairarom tolos sa supplementation programs kan gobyerno enkaso na manutaran an stunting.

Dugang ni Rentoy, depisil nang ma-rehabilitate an aki kun mamundag ining bansot.

(Paulo S. Delos Santos, CEPPIO. Retratong kua ni Reynaldo Baylon, CEPPIO.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph