Edit Content
NAGA CITY GOVERNMENT

City News

City of Naga, Bikol, Philippines : Today is  January 25, 2023

MNWD igwa nin duwang bagong direktor

SI Alkalde Legacion (yaon sa to-o, nakataas an to-ong kamot) mantang pigpapangenotan an pagpasumpa bilang mga bagong direktor kan Metro Naga Water District sinda Engr. Palmiano IV asin Abogada Sarina Co (parehong nakataas an toong kamot), sarong retired judge. Yaon man sa retrato sinda (paghali sa wala pasiring sa to-o) an mga konsehal na sinda Atty. Ghiel Rosales (natatahuban kan alkalde), Retired General Omar Buenafe, Dr. Jess Albeus, asin Liga President Corazon Peñaflor.
SI Alkalde Legacion (yaon sa to-o, nakataas an to-ong kamot) mantang pigpapangenotan an pagpasumpa bilang mga bagong direktor kan Metro Naga Water District sinda Engr. Palmiano IV asin Abogada Sarina Co (parehong nakataas an toong kamot), sarong retired judge. Yaon man sa retrato sinda (paghali sa wala pasiring sa to-o) an mga konsehal na sinda Atty. Ghiel Rosales (natatahuban kan alkalde), Retired General Omar Buenafe, Dr. Jess Albeus, asin Liga President Corazon Peñaflor.

KUMPYADO asin nagtitiwala na magiging dagos-dagos na an marhay na pagpadalagan kan Metro Naga Water District (MNWD), pigsabi ni Alkalde Nelson Legacion na dugang na tabang pa sa mga nakatukaw na general manager asin board ngonian sinda Engr. Leon Palmiano IV asin Abogada Sarina Co, sarong retired judge.

Sinda Palmiano asin Co, pormal na pignombrahan asin pigpasumpa sa pwesto ni Alkalde Legacion kasobagong aga, Disyembre 12, bilang mga bagong MNWD directors o myembros kan hunta direktiba kan water district.

Pigtawan du-on kan alkalde na dakulang tabang an duwa sa presenteng pig-aagihan ngonian kan MNWD pagkatapos na magsapo nin pagkapyerde poon kan mga enot pang bulan na paluhay-luhay nang nareresolbiran sa mga panahon na ini.

Si Palmiano na iyo an nagribay ki outgoing director Marilissa Ampuan kan sektor nin edukasyon asin director Monina Lily Claveria.  Sinda Ampuan asin Claveria nakatalaan na magpaaram na sa saindang pwesto mantang sa Enero 2023 an poon kan pagserbisyo kan bagong mga director.

(Jason B. Neola, CEPPIO. Photo by Ramil Herrera Jr., CEPPIO.)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph