Edit Content
NAGA CITY GOVERNMENT

City News

City of Naga, Bikol, Philippines : Today is  February 2, 2023

Legacion tinawan awtoridad kan SP maki-koordinar para sa pet cemetery

Si Councilor Joselito Del Rosario, an padrino kan ordinansa na may mandatong ipatugdok an pet cemetery sa syudad nin Naga.
Si Councilor Joselito Del Rosario, an padrino kan ordinansa na may mandatong ipatugdok an pet cemetery sa syudad nin Naga.

TANGANING mareyalisar na an itinutulod na pet cemetery sa syudad nin Naga, pinagmarhay kan Sangguniang Panlungsod na ipasar an resolusyon na nagtatao nin awtoridad ki Mayor Nelson Legacion na maki negosyar sa land owners na posibleng magpabakal o magdonar nin daga para sa nasambit na lubungan.

Segun ki Councilor Joselito Del Rosario, Chairman kan Committee on Public Utilities kan Sanggunian, ipinasar na kan konseho an Ordinance no. 2022-042 para sa pag establisar kan pet cemetery sa syudad asin ipangalad an basang na pag-apon sa basurahan, salog, magin pagsulo sa nagadan nang ataman na hayop.

Alagad susug sa saiyang pag-adal sa ordinansa dae pa nakakapasar an Sanggunian nin resolusyon para sa nasambit na katuyuhan.

Aminado si Del Rosario na sa presente padagos an paghalat kan saiyang komite sa mga persona na interesadong ipabakal o idonar sa lokal na gobyerno an saindang daga para sa pet cemetery.

(Paulo Delos Santos, CEPPIO. Retrato hali sa Sangguniang Panlungsod Naga)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph

0
Would love your thoughts, please comment.x
()
x