Edit Content
NAGA CITY GOVERNMENT

City News

City of Naga, Bikol, Philippines : Today is  January 25, 2023

Educational aid para sa estudyanteng tios alagad mahigos mag-adal

SI City Councilor Del Rosario sa saiyang pagbosol na matawan nin educational assistance an mga college students na nagssakripisyo na makatapos sa saindang pag-eskwela.
SI City Councilor Del Rosario sa saiyang pagbosol na matawan nin educational assistance an mga college students na nagssakripisyo na makatapos sa saindang pag-eskwela.

SA kamawotan na pahiwason pa an pagtao nin educational assistance sa mga college students na dae nin kapas makapag-adal, pinagmarhay ni City Councilor Joselito S.A. Del Rosario na mag-endorso nin sarong ordinansa tanganing matawan nin tabang an mga aki na yaon sa siring na kamugtakan.

Pigtawan du-on kan konsehal na kaipuhan mahigos o matyaga an aki sa pag-adal laen kan pagiging pobre kan saiyang pamilya. Sinabi pa kan konsehal na an mga beneficiaries kan programa separado man sa mga scholars kan syudad huli ta an pag-igot mismo kan aki na makagradwar an pigheheling o pigtatawan nin konsiderasyon sa programan ini.

An ordinansa yaon na ngonian sa second reading o ikaduwang pagbasa kan committee on education kan Sangguniang Panlungsod.

Igwa nin paglaom si Del Rosario na sa panahon na maaprobaran na an propuestong ley, matatawan nin dakulang kagianan an mga magurang kan mga estudyantes asin makusog na paglaom sa mismong estudyante na an hagad makatapos sa saiyang pagklase.

(Jason B. Neola, CEPPIO.)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph