Edit Content
NAGA CITY GOVERNMENT

City News

City of Naga, Bikol, Philippines : Today is  February 8, 2023

Rice distribution sa lindong kan Sanggawadan

SI Mrs. Rowena Valencia kan Sitio Salunguigui, Barangay Cararayan saro sa mga beneficiaries kan Sanggawadan program, nagpahayag nin dakulang pasasalamat huli kan ayudang bagas. (Kim Poñado, CEPPIO)
SI Mrs. Rowena Valencia kan Sitio Salunguigui, Barangay Cararayan saro sa mga beneficiaries kan Sanggawadan program, nagpahayag nin dakulang pasasalamat huli kan ayudang bagas. (Kim Poñado, CEPPIO)

LAOG sa 2,270 pamilya an nagresibe nin ayudang bagas (28 kilos/kada pamilya) ngonian na aldaw, Biyernes, Nobyember 25, bilang beneficiaries kan Sanggawadan program kan lokal na gobyerno kan syudad nin Naga.

An programa nagseserbing katuwang kan mga Nagueñong pamilya sa pagsyerto na padagos an pag-adal kan saindang kaakian dawa yaon sa depisil na kamugtakan dara katikapuhan sa pagbuhay.

Pigsaysay ni Annabel Vargas, pamayo kan City Social Welfare and Development Office (CSWDO), na target beneficiaries kan programa idtong mga pamilyang nagtitios asin igwa nin mga aki na naghahanapbuhay tanganing makapagtao nin tabang sa saindang mga magurang na matustusan an pang oro-aldaw na pangangaipuhan.

Segun ki Vargas, an programa pigdara pa kan Australian Agency for International Development sa Naga kan panahon pa ni dating Alkalde Jesse Robredo asin padagos na pigpapaotob kan syudad sagkod sa panahon ni Alkalde Nelson Legacion.

Sa lindong kan Sararong Gawad para sa Aking Nagueño o Sanggawadan, an mga working children dae na matrabaho o matinda nin kun ano-ano tanganing makatabang sa pamilya huli ta sinda matao na nin atensyon sa pag eskwela.

An rice distribution na piggigibo apat o tolong beses kada taon nagseserbing iyo na mismo an tabang kan mga aki sa saindang pamilya.  Laen kan bagas, pigtatawan pa an mga aki kan mga kaipuhan nindang school supplies.

(Jason B. Neola, CEPPIO)

Subscribe
Notify of
guest

0 Comments
Inline Feedbacks
View all comments
Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph

0
Would love your thoughts, please comment.x
()
x