Edit
NAGA CITY GOVERNMENT

City News

City of Naga, Bikol, Philippines : Today is  October 3, 2022

DepEd tugot sa partisipasyon kan kaakian sa pyesta

Mga estudyante na pigrerepresentar an saindang eskwelahan sa Bicol Regional Military Parade na naoktaba nin duwang taon huli sa pandemya. (Litratong kua ni Ramil Herrera)
Mga estudyante na pigrerepresentar an saindang eskwelahan sa Bicol Regional Military Parade na naoktaba nin duwang taon huli sa pandemya. (Litratong kua ni Ramil Herrera)

Pigmimidbid kan Department of Education an Peñafrancia fiesta bilang local celebration na deklarado man bilang regional fiesta kan palasyo Malacañang.

Sa hampang kan prensa pigsabi ni City Events Protocol and Public Information Officer Allen Reondanga na padagos na pig-iimbitaran kan Military Parade Committee an mga eskwelahan sa Bicol region na magsumiter na kan saindang entries para sa Bicol Regional Military Parade na gigibuhon sa Setyembre 16.

Pigtawan-doon ni Reondanga na maninigo na magin parte an mga kaakian sa mga aktibidades katakod kan selebrasyon para sa saindang pagkanood asin pagkasabot sa kulturang Bikolnon.

Sa presente, nag-abot na sa 42 an numero kan mga eskwelahan sa region an nagpalista bilang mga partisipantes sa nasambit na parada na gigibuhon poon alas-7:00 nin aga asin piglalaoman na matapos nin ala-1:00 sagkod alas-2:00 nin hapon

(Paulo S. Delos Santos, CEPPIO.)

 

 

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph