NAGA CITY GOVERNMENT

City News

City of Naga, Bikol, Philippines : Today is  August 20, 2022

Demand generation activity kontra teenage pregnancy padagos

Mga personahes kan City Population and Nutrition Office na nagtataong serbisyo sa mga teenage mothers sa Nutri-Nanay asin Nutri-Ataman activity sa City People’s Hall kan Hulyo 28.
Mga personahes kan City Population and Nutrition Office na nagtataong serbisyo sa mga teenage mothers sa Nutri-Nanay asin Nutri-Ataman activity sa City People’s Hall kan Hulyo 28.

Padagos an City Population and Nutrition Office (CPNO) sa demand generation activities para sa teenagers kan syudad nin Naga sa 27 barangay.

Segun ki Shy Climacosa Malate, Population Program Officer II kan CPNO, pig-aaram sa aktibidad an mga pangangaipo kan lambang teenager tanganing ilikay sinda sa teenage pregnancy na may darang epekto sa saindang salud asin pagklase.

Pigsabi ni Malate na dae pa preparado an hawak kan sarong babae na may edad 19-anyos pababa na magbados kaya pwedeng magpuli an teenage pregnancy sa premature birth, low birth weight asin iba pang nutrition status.

Kan nakalihis na taon, nag-abot sa 268 an numero kan teenage mothers sa syudad nin Naga mantang 113 poon kan Enero sagkod Hunyo, ngonian na taon.

(Paulo S. Delos Santos, CEPPIO. Kuang ritrato ni Reynaldo Baylon, CEPPIO.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph