Edit
NAGA CITY GOVERNMENT

City News

City of Naga, Bikol, Philippines : Today is  October 4, 2022

Debosyon sa Divino Rostro asin ‘Ina’ sa pagpangataman kan kalag

During the Procession of the Divino Rostro from Basilica to Peñafrancia Church with Clergy.
During the Procession of the Divino Rostro from Basilica to Peñafrancia Church with Clergy.

Sa tahaw kan mga makolor na aktibidad, dae nyato lingawan an halaga kan debosyon sa pagpangataman nyato kan satuyang mga kalag.

Pigsaysay ni Father Juan Pablo Carpio, kura paroko kan Basilica Minore de Penafrancia, na higot na pigbobosol kan simbahan katolika an mga pangrelihiyosong aktibidad bilang katakod kan selebrasyon ngonian na Setyembre para sa ika-140 taon nin debosyon sa Divino Rostro asin ika-312 taon kan pyesta kan Nuestra Sra. De Peñafrancia.    

Segun ki Fr. Carpio na mahalagang resibihon kan tao an mga grasya nin mahal na Diyos sa paagi nin sakramento siring kan pagkumpisal (reconciliation) na tatawan nin lugar sa kada aldaw siring kan nasasambit sa general schedule of activities (yaon sa ibabang parte).  Sinabi niya na parte kan paglinig nin kalag kan sarong deboto o peregrino an pagboyboy kan sadiring mga kasalan asin an paghagad nin kapatawadan.

Laen kan penitential procession pigpoonan an mga aktibidad kan simbahan sa paagi nin “Harubay” o pagpasabot sa mga tao na naglaog na an Setyembre, an bulan para sa debosyon sa Divino Rostro asin sa Mahal na Ina.  Katakod kan Harubay iyo an pangapudan na kaipuhan padagos na kamotan kan tao an saiyang kalag asin padagos na atamanon an debosyon ki Hesus asin sa Mahal na Ina.

(Jason B. Neola, CEPPIO. Photo by Eidrian Russel Nava.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph