PIGPAGIRUMDOM ni Rev Fr Juan Pablo Carpio, parish priest kan Basilica Minore de Peñafrancia sa mga debotos kan Mahal na Ina an importansya kan kumpisal.
Ini katakod kan mga pakumpisal durante kan nobena sa El Divino Rostro na pigtalaan kan Arkidyosesis kan Caceres sa Peñafrancia shrine alas-4:00 sagkod alas-5:00 nin hapon, poon Agosto 30 sagkod Setyembre 8.
Apwera digdi, nakatalaan man na magpakumpisal an simbahan durante kan nobena ki Nuestra Señora de Peñafrancia sa Holy Rosary Minor Seminary alas-3:00 nin hapon sagkod alas-7:00 nin banggui, poon Setyembre 10 sagkod 16 asin sa Setyembre 17 sa Basilica grounds, alas-4:00 nin hapon sagkod alas-6:00 nin banggui.
Segun ki Carpio, an debosyon sa Mahal na Ina nagrarani sa lambang deboto sa kagurangan sa paagi kan komunyon alagad maninigo na magpasairarom nguna sa nasambit na sakramento para sa kapatawaran kan naginibong magabat na kasalan.
Dugang kan padi, susug sa katugduan kan simbahan, pigpapangaladan an lambang katoliko na mag-ako nin ostya kun nakakomiter nin mortal sin.
(Paulo S. Delos Santos, CEPPIO)
