INATENDIRAN kan 84 estudyante an Regional Startup Bootcamp na piggibo sa sarong resort sa Barangay Carolina, syudad nin Naga kan Disyembre 3 sagkod 4.
Segun ki Investment and Promotions Officer Paul John Legaspi, katuyuhan kan aktibidad, na parte kan Naga City Startup Development Program, na mapangadalan an mga partisipantes mapadapit sa pitching presentation tanganing mabilog asin maipaabot nin toltol an saindang mga business ideas apwera sa prototypes na maresolbar sa problema kan komunidad katakod kan dalagan kan komerso asin negosyo.
An mga partisipantes mga estudyante kan Ateneo de Naga University, University of Nueva Caceres, Naga College Foundation, Bicol State College of Applied Science and Technology, Camarines Sur Polytechnic College, AMA College asin Central Bicol State University of Agriculture mantang nagkukua nin mga kursong may kinaaraman sa computer science, electronics asin communication engineering asin negosyo.
(Paulo Delos Santos, CEPPIO.)
