Edit
NAGA CITY GOVERNMENT

City News

City of Naga, Bikol, Philippines : Today is  October 4, 2022

Numero kan pilgrims sa Naga pinaglalaoman na madugangan

Mga debotos ni Nuestra Señora de Peñafrancia sa piggibong Dawn Procession kan Setyembre 13, 2019 kun saen pigdara an imahe kan Mahal na Ina asin El Divino Rostro sa Peñafrancia Shrine, hale sa Basilica Minore, bilang pag-andam sa Traslacion Procession kan kaparehong petsa. (Retrato kua ni Dante Garcia)
Mga debotos ni Nuestra Señora de Peñafrancia sa piggibong Dawn Procession kan Setyembre 13, 2019 kun saen pigdara an imahe kan Mahal na Ina asin El Divino Rostro sa Peñafrancia Shrine, hale sa Basilica Minore, bilang pag-andam sa Traslacion Procession kan kaparehong petsa. (Retrato kua ni Dante Garcia)

Huli kan halangkaw na presyo nin barakalon asin epekto kan Covid-19 crisis na namamatean sa presente, piglalaoman na rorosoon nin dagmang na pilgrims an syudad nin Naga sa maabot na Peñafrancia fiesta.

Segun ki City Events Protocol and Public Information Officer Allen Reondanga, piglalaoman an dugang na bisita sa syudad na pigkakarkulong 10 sagkod 15 por syento kan 1.2 sagkod 1.3 million na bisita na nanutaran kan mga nakalihis na selebrasyon kan pyesta bago nangyari an pandemya.

Pigsabi ni Reondanga na kun babasehan an historiko kultural kan Peñafrancia fiesta, mas nagdadakol an partisipantes kan religious activities katakod kan pyesta sa tahaw kan pagsakit kan buhay.

(Paulo Delos Santos, CEPPIO.)

Share this

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph