APAT na mga barangay sa syudad nin Naga an idineklara kan Naga City Dangerous Drugs Board (NCDDB) bilang drug cleared ngonian na taon.
Segun ki Jose Importante, executive director kan NCDDB, nakahawas ngonian na taon sa illegal drugs an Barangay San Isidro, Dayangdang, Concepcion Grande asin Bagumbayan Sur sa tabang kan Barangay Anti-Drug Abuse Council, Barangay Sangguniang Kabataan asin huli na man sa kooperasyon kan mga konstitwente na person who used drugs na nagsairarom sa interventions kan gobyerno.
Sinabi pa ni Importante na dakol na mga barangay ngonian na taon an idineklara bilang drug cleared kumpara kan mga nakalihis na taon.
Dati nang idineklara bilang drug cleared barangay an Bagumbayan Norte, Dinaga, Sta Cruz, San Francisco, Carolina, Panicuason, Tinago asin Liboton.
Abiso niya sa mga opisyales kan drug cleared barangays na tolos ipaabot sa mga nanunungdan kun liwat manutaran an transaksyon asin paggamit nin illegal drugs sa saindang mga komunidad.
(Paulo Delos Santos, CEPPIO.)
