PINAGLALAOMAN kan Forest In Our Midst (FOM) program na makatanom nin 8,000 na poon nin kahoy bago matapos an taon 2022.
Segun ki Engr. Dan Cea, project coordinator kan FOM, poon Enero 1 sagkod Setyembre 30, ngonian na taon, nagsakat na sa labi 9,000 na poon nin kahoy an napatanom kan programa katuwang an mga grupo asin persona gikan sa manlaen-laen na sektor.
Kan Oktubre 1, nasa 800 na poon nin kahoy an pigtanom sa Parkview, Barangay San Felipe; Sitio Abrigo, Barangay Pacol asin Malabsay Falls sa Barangay Panicuason.
Sa laog nin tolong taon, nasa 33,000 na poon nin kahoy an pigtanom sa syudad nin Naga bilang ambag kan lokal na gobyerno bilang paglikay sa epekto kan climate change.
(Retrato kua ni Reynaldo Baylon, CEPPIO. Paulo S. Delos Santos, CEPPIO.)
