PIGTAWAN kan Technical Education and Skills Development Authority (TESDA) nin National Competency Level 2 (NC2) certificates an 19 myembros kan Naga City Visually Impaired Persons bilang parte kan pagmidbid sainda bilang mga massage therapists.
Segun ki City Administrator Elmer Baldemoro, nanutaran an nagdadakol na massage parlors sa syudad nin Naga kaya pigmarhay kan lokal na gobyerno asin kan TESDA na isairarom sinda sa maninigong training asin assessment.
Pigsabi ni Baldemoro na saro sa mga requirements na pighahagad sa massage parlors an nasambit na sertipikasyon kaya dakulang bagay an dokumento para sa saindang pag empleyo.
An Naga City Visually Impaired Persons padagos pa man guiraray sa saindang pagtao nin massage services sa wellness center na yaon sa Plaza Rizal.
(Paulo Delos Santos, CEPPIO. Retrato kua ni Reynaldo Baylon, CEPPIO.)
