Edit Content
NAGA CITY GOVERNMENT

City News

City of Naga, Bikol, Philippines : Today is  December 3, 2022

160 medical health workers nakatalaan magrecibe nin bakuna sa aga, Biyernes

Si Alkalde Nelson Legacion mantang pogol an saro sa apat na kahon na igwa nin laog 40ng vials nin Sinovac vaccines gikan sa regional office kan DOH.
Si Alkalde Nelson Legacion mantang pogol an saro sa apat na kahon na igwa nin laog 40ng vials nin Sinovac vaccines gikan sa regional office kan DOH.

Nakatalaan na magkonducir an LGU Naga nin actual vaccination sa aga, Biyernes, Marso 9, sa 160 na medical healthcare workers.

Enot kaini, kan nakaaguing Marso 22, ngonian na taon, 296 na mga health workers an pigtawan nin AstraZeneca vaccines sa Bicol Medical Center (BMC).

Pigtawan du-on ni Alkalde Nelson Legacion na ootobon kan LGU an mga panundon asin reglamento gikan sa Departamento de Salud dapit sa pagtao nin bakuna. Sinabi kaini na uuboson muna kan LGU Naga an pagbakuna sa gabos na mga health workers kan ciudad bago ikonducir an lagduan na pagbakuna sa mga Nagueño.

An ciudad, na igwang duwang hospital – an Naga City Hospital asin Our lady of Lourdes Infirmary – igwa nin sobra sa 3,500 na mga medical health workers kabali na an mga personahea asin volunteers na yaon sa City Health Office asin idtong mga pigdestino sa 27ng barangay.

Segun ki Dr. Butch Borja, preparado na an mga personahes kan duwang hospital asin City Health Office para sa vaccination na nakatalaan gibohon sa Jesse M. Robredo Coliseum.

Pigsabi ni Beda Alcantara, officer in charge kan coliseum na areglado na an ventilation kan nasambit nang lugar kaibahan na an pag andam kan emergency power generator na pwedeng gamiton sa panahon nin power outages.

Nagkakapira sa mga sitwasyon durante kan i-deliver an mga bakuna sa JMR Coliseum eksaktong alas 3:00 nin hapon kasobago.

Nagkapira sa mga sitwasyon durante kan i-deliver an mga bakuna sa JMR Coliseum eksaktong alas 3:00 nin hapon kasobago.
Nagkapira sa mga sitwasyon durante kan i-deliver an mga bakuna sa JMR Coliseum eksaktong alas 3:00 nin hapon kasobago.

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph