Edit Content
NAGA CITY GOVERNMENT

City News

City of Naga, Bikol, Philippines : Today is  December 2, 2022

Syudad nin Naga, liwat pigbistong Most Competitive Component City kan Pilipinas

Mayor Legacion: Kaipuhan an kauswagan kan syudad nakasagom sa Nagueño.
Mayor Legacion: Kaipuhan an kauswagan kan syudad nakasagom sa Nagueño.

Pagkatapos ngaranan “The country’s Most Competitive Component City” kan taon 2020, liwat na pigsurprisa kan syudad nin Naga (Bicol Region) an mga LGU sa bilog na Pilipinas pagkatapos na midbidon liwat an Naga bilang 2021 Most Competitive Component City sa piggibong 10th City and Municipality Competitive Summit.

An Naga, bilang Top 1 sa Overall Most Competitive Component City, pigsundan kan Legazpi City (Top 2), asin Antipolo, Rizal (Top 3).

Sa lado nin Innovation, Top 1 an Naga; Infrastructure, Top 2; Resiliency, Top 2; asin Economic Dynamism, Top 6.

Pigtawan du-on ni Alkalde Nelson Legacion na an onra na pigresibe kan syudad bunga nin higos, determinasyon asin malinaw na pag-implementar kan mga programa asin proyektong madara nin kauswagan bako sana sa kan syudad kondi kan mismong Nagueño.

Nagpahayag nin kaogmahan an Alkalde huli kan award na iyo si nagin bunga kan ipinaheling na higos asin determinasyon kan syudad sa tahaw kan mga angat na pig atubang kaini kaibahan na an pagkakagwa nin limitadong fundo.

Pigpasalamatan kan Alkalde an mga pag-iriba sa Team Naga na nagin katuwang sa pagbosol kan mga proyekto asin programang makakatao nin kauswagan sa mga Nagueño. Kabali sa mga pigpasalamatan an mga ahensya nin gobyerno asin idtong mga yaon sa pribadong sektor.

(Jason B. Neola, CEPPIO.)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph