Edit Content
NAGA CITY GOVERNMENT

City News

City of Naga, Bikol, Philippines : Today is  January 26, 2023

Digital cashless payment/transaction sa sari-sari stores, PUVs may ordinansa na

SI Alkalde Legacion asin Councilor Del Rosario pogol an ordinansa na naghohorot para sa online o digital/cashless transactions sa merkado asin mga pampasaherong lunadan sa laog kan syudad nin Naga.
SI Alkalde Legacion asin Councilor Del Rosario pogol an ordinansa na naghohorot para sa online o digital/cashless transactions sa merkado asin mga pampasaherong lunadan sa laog kan syudad nin Naga.

Binukasan na kan LGU Naga an pagkusog kan digital cashless transactions sa laog kan syudad kan ipasar sa Sangguniang Panlungsod kan Martes asin aprobaran ni Alkalde Nelson Legacion kasoodma, Disyembre 15, an ordinansa na nagsasadol sa mga negosyo asin pampublikong lunadan na magsingil sa saindang mga kustomer sa paagi nin online.   

An ordinansa pig-endorso ni City Councilor Joselito S.A. del Rosario sa Sangguniang Panlungsod katuwang si Councilor Jose Perez, pamayo kan Committee on Investment, Trade, and Economic Enterprise.

Marikas, pasil, asin salbado an transaksyon sa mga pampasaherong lunadan o magin an pagsaod sa Naga City People’s Mall kun gigibohon ining cashless sa paagi nin online.

Sa ngonian, igwa na nin apat na financial service providers an nagpahayag nin interes na magtao nin serbisyo para sa implementasyon kan programang PalengQR na higot na pigbobosol kan Bangko Sentral ng Pilipinas asin kan Dept. of Interior and Local Government.

An Naga iyo an pinakaenot na syudad sa Bikol na nagresponde sa pangapudan kan BSP asin DILG para sa lagduan na pagpapaotob kan PalengQR o an pag gamit nin QR code sa pagtransaksyon sa mercado asin mga pampasaheong behikulo. 

(Jason B. Neola, CEPPIO.)

Share this

More News Stories

CITY EVENTS PROTOCOL AND PUBLIC INFORMATION OFFICE
G/F Roco Library Bldg., City Hall Compound, J. Miranda Ave., Naga City, Philippines
Tel. (54) 205-2980 local 2020
email: ceppio@naga.gov.ph