62 na anti-illegal drugs operations asin pagkumpiskar nin sobra sa 1,542 na gramo nin shabu an nahaman kan Naga City Police Office poon kan Enero sagkod Hunyo 2022 sa pagbosol kan kampanya kontra sa illegal drugs.
Sa piggibong command conference, sinabi ni Mayor Nelson Legacion na dedikado asin seryoso an mga awtoridad na labanan an pagwarak kan illegal drugs kaya magkakanigo sana na itao sainda kan gobyerno lokal an bilog na suporta.
Pigpresentar ni Police Col. Nelson Pacalso, hepe kan NCPO, ki Legacion an nasambit na datos durante kan command conference kan nakaihis na Lunes, Julio 4, kaibahan na an makusog na tarabangan sa tahaw kan PNP, Philippine Drug Enforcement Agency (PDEA) asin iba pang mga law enforcement agencies.
