ANOM na partisipantes an nakaguno nin awards sa piggibong Civic Parade and Float Competition 2022 kan Setyembre 15, aldaw nin Huwebes.
Sa Civic Parade, nangenotan sa best marching awards an Social Welfare Volunteers bilang champion na nakakoa nin 90.33 na grado. Nagsunod an Naga City Queen Federation, second place sa score na 88.33 percent. Third placer sa best marchers award an grupong Lakas ng Kababaihan na may gradong 88.3 percent.
An mga grupong ini kabale sa 63 na participating organizations na katuwang kan lokal na gobyerno sa pagbosol nin mga manlaen-laen na programa.
Sa Float Competition, ginana an pagiging kampeon kan Palawan Pawnshop sa iskor na 96 percent. Second placer an Sutherland company na nakaguno nin 95 percent asin pigsundan kan Camella Homes bilang third placer sa gradong 94 percent.
An mga kompanyang ini kabale sa walong competing contingent na kompwesto kan Mesa Restaurant and Ilao-Ilao, Ionic CMD, Fil-Global Immigration Services Corporation, Mega Sardines asin kan Sogo Hotel.
Presente sa non-competing float contingents an mga beauty titlest kan Miss Bicolandia 2022 kaiba an manlaen-laen na pribadong organisasyon asin kompanya.
(Paulo S. Delos Santos, CEPPIO. Retrato kua ni Aldren Abay.)
