PADAGOS sagkod Setyembre 10 sa Holy Cross Parish, Barangay Tabuco, syudad nin Naga an registration para sa mga voyadores na mawot magsagwan sa Fluvial procession sa Setyembre 17.
Segun ki Chief Petty Officer Efren Abanilla, substation commander kan Philippine Coast Guard – Camaligan substation, nagpoon kan Agosto 8 an registration para sa mga voyadores na mawot magsagwan kan saindang mga baroto na mabutong sa pagoda kan Mahal na Ina asin El Divino Rostro.
Pigsabi ni Abanilla, vaccination kontra Covid-19 an requirement kan mga voyador tanganing makapartisipar sa nasambit na aktibidad sa salog.
Nakatalaan na gibuhon an meeting para sa mga parasagwan sa Setyembre 3, alas-5:00 nin hapon sa nasambit na parokya tanganing tukaron an iba pang guidelines sa aktibidad.
(Paulo Delos Santos, CEPPIO)
