Ginaba na an Barangay Hall kan Mabolo na namumugtak sa gilid kan National Road asin pamitisan kan Mabolo Bridge para tawan dalan an road and widening kan Department of Public Works in Highways. Siring sa ginibo sa tulay kan Magsaysay, an Mabolo Bridge papahiwason pa na magin apat (4) na man an linya para mapagian an bulos sa trapiko sa lugar.

Sa ngonian, maopisina nguna an Barangay Mabolo sa saindang Alternative Learning System (ALS) Center sa Zona 5, Pagdaicon para dai maprakasar an saindang pagtao nin serbisyo sa saindang mga kabarangay. Susog man ki Kapitan Ramil Job, ipapadagos na an konstruksyon kan saindang Barangay Hall sa daga na pagsasadiri kan syudad antes matapos an taon 2022.