Peñafrancia Fiesta 2022 – CITY OF NAGA

Bamboo floaters epektibo sa pagtipon nin basura

CEPPIO Naga — Tue, 20 Sep 2022 08:00:26 +0000

PADAGOS na pigpupugulan kan City Environment and Natural Resources Office (City ENRO) an mga naglataw na basura sa Naga river na atongon paluwas sa Bicol river, lalo na an mga plastic bottles asin confetti hale sa mga nagdalan kan Fluvial procession kan Sabado, Setyembre 17.

Segun ki Engr. Dan Cea, project coordinator kan Forest In Our Midst program, dae na pigpahale pa kan City ENRO an mga bamboo floaters sa irarom kan Tabuco asin Sabang bridges, mga tulay sa salog kan Naga na dae kabale sa ruta kan pagoda.

Pigsabi ni Cea, bago pa gibuhon an Fluvial procession kan Sabado, Setyembre 17, pigsapwat na kan River Management Unit kan Pollution Division kan opisina hale sa irarom kan salog an mga basura na dati nang pig-apon sagkod na maglataw an mga ini.

Paliwanag ni Cea, oras nin low tide pig-aatong kan salog an mga solid waste sa Naga river paluwas sa Bicol river alagad huli kan bamboo floaters, nababagat an mga basura asin natitipon.

Dugang ni Cea, nababagat asin natitipon man kan bamboo floaters an mga basura na pig-aatong kan Bicol river palaog sa Naga river sa oras nin high tide.

(Paulo S. Delos Santos, CEPPIO)

Debosyon sa Divino Rostro asin ‘Ina’ sa pagpangataman kan kalag

CEPPIO Naga — Fri, 02 Sep 2022 08:00:45 +0000

Sa tahaw kan mga makolor na aktibidad, dae nyato lingawan an halaga kan debosyon sa pagpangataman nyato kan satuyang mga kalag.

Pigsaysay ni Father Juan Pablo Carpio, kura paroko kan Basilica Minore de Penafrancia, na higot na pigbobosol kan simbahan katolika an mga pangrelihiyosong aktibidad bilang katakod kan selebrasyon ngonian na Setyembre para sa ika-140 taon nin debosyon sa Divino Rostro asin ika-312 taon kan pyesta kan Nuestra Sra. De Peñafrancia.

Segun ki Fr. Carpio na mahalagang resibihon kan tao an mga grasya nin mahal na Diyos sa paagi nin sakramento siring kan pagkumpisal (reconciliation) na tatawan nin lugar sa kada aldaw siring kan nasasambit sa general schedule of activities (yaon sa ibabang parte). Sinabi niya na parte kan paglinig nin kalag kan sarong deboto o peregrino an pagboyboy kan sadiring mga kasalan asin an paghagad nin kapatawadan.

Laen kan penitential procession pigpoonan an mga aktibidad kan simbahan sa paagi nin “Harubay” o pagpasabot sa mga tao na naglaog na an Setyembre, an bulan para sa debosyon sa Divino Rostro asin sa Mahal na Ina. Katakod kan Harubay iyo an pangapudan na kaipuhan padagos na kamotan kan tao an saiyang kalag asin padagos na atamanon an debosyon ki Hesus asin sa Mahal na Ina.

(Jason B. Neola, CEPPIO. Photo by Eidrian Russel Nava.)

MNWD: Pigsyerto an marhay na water supply sa fiesta ni ‘Ina’

CEPPIO Naga — Fri, 02 Sep 2022 06:00:31 +0000

Pagkatapos na mamatean kan publiko an kawaran nin magkakanigong supply nin tubig sa laog nin nagkakapirang aldaw sa syudad nin Naga, nagbutas nin asigurasyon si General Manager Florencio Mongoso Jr. kan Metro Naga Water District (MNWD) na magiging marhay an bolos kan mga gripo sa panahon nin pyesta.

Pigsaysay ni Mongoso na an nakalihis na problema sa supply nin tubig parte kan saindang pag-andam na magin makusog pa an bolos kaini bilang preparasyon sa dakulang selebrasyon ngonian na Setyembre.

Laen kan pagribay nin mas dakulang makina o motor sa pumping station 1 kan Barangay Cararayan, liwat na pigpaandar kan Metro Naga Water District (MNWD) an pumping station 5 sa nasambit na barangay. Segun sa general manager, haloy nang panahon na dae napapakinabangan an pumping station 5 sa Cararayan. Kasunod kan nasambit na patrabaho, iyo an paghirahay kan pumping station sa Barangay Mabolo.

Naglalaom si Mongoso na makakatao nin bastanteng supply nin tubig an tolong pumping stations bako sana sa panahon kan nagdadangadang na pyesta.

Sa ngonian, pigsisibotan kan MNWD an water supply adjustment tanganing syertuhon an balansyadong distribusyon kan tubig sa 27 na mga barangay kan syudad.

Kabali pa sa pigsisibotan an tamang paglaag nin water pressure tanganing mapabolosan nin tubig magin an mga harong o komunidad na harayo o igwa nin distansya sa mga pumping stations.

Nagpahayag nin paglaom si Mongoso na huli kan pag-uran igwa nin marhay na spring water production, sarong dakulang tabang tanganing madugangan an groundwater level asin maotob an water supply requirement kan mga concessionaires.

Pigpahayag pa kaini na nakaandam man an mga lorry kan water district para sa mga biglaan na pangangaipuhan sa tubig laen pa kan fire truck na pigsobli kan MNWD sa Bureau of Fire Protection na pigpoonan nang i-disinfect tanganing lagan nin tubig na pwedeng mainom.

(Jason B. Neola, CEPPIO.)

Registration kan Confradia de San Jose para sa Traslacion

CEPPIO Naga — Mon, 22 Aug 2022 09:30:11 +0000

IMBITADO an lambang lalaki na mawot mag partisipar bilang mga voyador sa Traslacion procession sa Setyembre 9 na magparehistro sa kanya-kanyang parokya tanganing ilista bilang myembros kan Confradia de San Jose.

Segun ki Rev. Fr. Pablo Carpio, parish priest na naka assign sa Basilica Minore, susug sa joint statement kan Arkidiyosesis kan Caceres asin kan lokal na gobyerno kan syudad nin Naga, mga myembros sana kan confradia an tutugutan na magdara sa mga andas kan Mahal na Ina asin El Divino Rostro.

Pigtawan-doon kan padi na mababalgar an health protocols na ipapasunod sa nasambit na aktibidad kun tutugutan na magroso sa mga andas an mga voyador, na dae man kabale sa organisasyon, siring sa kinatudan bago magtama an pandemya.

Dugang ni Carpio, isasairarom sa maninigong formation asin instructions an mga myembros kan confradia para sa ligtas asin solemneng Traslacion procession na iyo mismo an kamawotan kan simbahan

(Paulo Delos Santos, CEPPIO. Retrato hale ki Deng Malate.)

Naga, Archdioceses of Caceres nagpaluwas nin statement sa pyesta

CEPPIO Naga — Fri, 19 Aug 2022 04:00:00 +0000

MAOGMANG ipinahayag ninda Alkalde Nelson Legacion (representado ni Vice Mayor Cecilia de Asis) asin Arsobispo Rolando Tirona kan Caceres sa mga debotos kan Mahal na Ina, Our Lady of Peñafrancia na an selebrasyon kan saiyang kapyestahan ngonian taon 2022, kabali na an pagbosol kan traslacion asin fluvial procession, gigibohon ngonian na taon siring kan enot pang mga selebrasyon, alagad, sa irarom nin mga panundon asin health protocols.

Sa pigpirmahan nindang joint statement, nagkasundo an duwang lider na itogot an piggibo kan gabos na mga civic asin religious events na konektado sa Peñafrancia fiesta sa lindong kan Covid Alert Levels 1 asin 2.

Ipinahayag pa ninda sa joint statement na bukas sa publiko an pagpahayag nin pagkamoot asin debosyon sa Mahal na Ina asin Divino Rostro sa paagi nin pagbisita sa mga simbahan, siring man an pag atendir kan banal na misa asin pag-ayon sa mga prusisyon. Alagad, dae pa itinutugot an paghadok asin pagkapot sa arin man sa mga imahen.

Pigtawan du-on sa dokomento na an mga mapartisipar sa selebrasyon kan pyesta sa syudad nin Naga kaipuhan otobon an mga minasunod na kondisyon:

Si mga taong yaon sa edad 50 anyos pataas kaipuhan nagresibe na sinda kan saindang ika-duwang booster shots.
Idtong yaon sa edad na 18 hanggan 49 kaipuhan igwa na nin first booster, asin
5-11 years old kaipuhan fully vaccinated

An Naga City Vaccination Center andam na gibohon kumpleto an pangangaipuhan sa bakuna sa paagi kan vaccination na piggigibo sa SM City Naga poon Miyerkules hanggan Domingo, alas 10:00 nin aga sagkod 5:00 nin hapon.

Ibobosol man kan syudad an vaccination sa mga simbahan asin malls sa laog kan Naga poon Agosto 24 hanggan Setyembre 4, 2022.

Nangapudan pa man an syudad asin an simbahan sa mga LGUs sa kabikolan sa paagi kan joint statement na gibohon nang lagduan an pagtao nin booster vaccination sa mga debotos kan Mahal na Ina asin palakopon an joint statement sa saindang mga konstituentes para sa saindang partisipasyon sa selebrasyon kan pyesta.

Sarong working group an maggibo nin polisiya tanganing mapamahalaan nin toltol an pagpadalagan kan mga prusisyon poon sa pagdakit kan imahen kan Mahal na Ina asin El Divino Rostro haleng Plaza de Covarrubias (Peñafrancia shrine) pasiring sa Naga Cathedral sa Setyembre 9, asin haling Cathedral pabalik sa Basilica sa September 17.

Pigtawan du-on kan Peñafrancia Fiesta Working Group an mga minasunod:

Dae pa tapos an pandemya kun kaya kaipuhan sundon an mga health guidelines and protocols na pigpapaotob kan gobyerno
Kaipuhan an pirming pagsu’lot nin face mask orog na kun yaon sa mga civic asin religious activities.
Mga miyembros lang kan Cofradia de San Jose an pigtutugot na magpasan/magdara kan imahen kan Divino Rostro asin kan mahal na Ina.

Pig eenkaminar an mga deboto na maglinya sa gilid kan mga tinampong aagihan kan prusisyon dara an saindang mga rosaryohan, puting panyo, kandilang igwa nin sulo, asin mga burak. An mga deboto asin an saindang mga religious articles bebendisyunan kan mga padi sa saindang pagtongod o pag-agi sa saindong pigkakamugtakan.

(Jason B. Neola, CEPPIO)

Environmental responsibility sa pyesta pigtutulod

CEPPIO Naga — Wed, 17 Aug 2022 08:30:33 +0000

PASADO sa Sangguniang Panlungsod an resolusyon ni City Councilor Ghiel Rosales na nagmamawot na pangarogan an lokal na gobyerno, Archdiocese of Caceres, business sector asin civil society groups sa environmental responsibility sa Peñafrancia fiesta.

Segun ki Rosales, chairman kan Committee on Environment and Energy kan Sanggunian, maninigo na magin pangarogan an syudad sa reduction kan single use na plastic decorations, food packaging asin disposable plastic cups, spoons and forks sa paagi kan pagpangalad sa paggamit nin mga nasambit na produkto na may maraot na epekto sa kapalibutan.

Pigtawan-doon ni Rosales na sobra sa doble an dakol kan basura sa syudad na nakolektar kan Solid Waste Management Office kada pyesta kumpara sa mga ordinaryong aldaw.

Piglalaoman na mag-abot sa estimated number na 200 sagkod 250 tonelada nin basura an mahahakot kan nasambit na opisina sa mga aldaw kan pigtalaan an civic and religious events katakod kan pyesta.

(Paulo Delos Santos, CEPPIO. Retrato hale sa SWMO.)

Miss Bicolandia Beauty Pageant applicants dapat may booster dose

CEPPIO Naga — Fri, 12 Aug 2022 10:00:26 +0000

MISS Bicolandia Executive Committee. Si City Councilor Sonny Rañola (ika-lima hale sa wala), chairman kan Miss Bicolandia Executive Committee, mantang nagreresibe nin hapot hale sa mga myembros kan lokal na prensa kaibahan an ibang myembros kan executive committee (poon sa wala pasiring sa tu-o): Allen Reondanga, hepe kan City Events, Protocol, and Public Information Office; Ice Badong, Atty. Jet-jet Vergara, Ms. Rye Rentoy, Rañola, City Councilor Jose Perez, co-chairperson kan ExeCom, Mike Pauig, asin Ferdinand Sia.

KAIPUHAN nagresibe dawa sarong booster dose nin anti-Covid-19 vaccine an sarong aplikante na boot magin kandidata sa Miss Bicolandia Beauty Pageant. Ini an pigtawan nin du-on ni City Councilor Sonny Rañola, M.D., chairman kan 2022 Miss Bicolandia Executive Committee (ExeCom), sa press briefing kasobago.

An pagkakaigwa nin booster shot kan anti-Covid-19 vaccine saro sa mga mga kalipikasyon tanganing akoon an sarong aplikante na magin kandidata sa prestihiyosong beauty contest.

An Miss Bicolandia Beauty Pageant nakatalaan gibohon poon 7:00 nin banggi hanggan 10:00 nin banggi sa Setyembre 7, ngonian na taon, sa Jesse M. Robredo Coliseum.

An makokoronahan bilang Miss Bicolandia maresibe nin P250,000 asin sash mantang an First Runner-Up maresibe nin P150,000 asin sash; P75,000 asin sash sa Second Runner-Up; sash asin P50,000 sa Third Runner-Up; asin P25,000 asin sash sa Fourth Runner-Up.

Segun sa ExeCom, laen kan nasambit na mga premyo, an mga manggaganang kandidata maresibe pa nin mga special awards para sa mga minasunod na titulo na igwang kabale na premyong P7,000 cash: Best in Production Number, Best in Swimsuit, Best in Evening Gown, Miss Photogenic, asin Miss Congeniality. An mapipiling “Darling of the Press” makakaresibe nin P5,000 na premyo.

An criteria na babasehan kan pagpili nin mga magiging official candidates: Personality and Intelligence, 40%; Beauty of the face, 30%; asin Form and Figure, 30%.

An criteria para sa swimsuit competition: Form and Figure, 40%; Poise and Projection, 40%; asin Confidence, 20%. Sa evening gown competition: Elegance, 40%; Poise and Projection, 40%; asin Over-all Impact, 20%.

(Jason B. Neola, CEPPIO)

Mobile phone signals sa fiesta suspendido

CEPPIO Naga — Wed, 10 Aug 2022 01:00:21 +0000

Traslacion Procession

Military Parade

Fluvial Procession

Previous slide

Next slide

Suspendido an serbisyo kan mga telecommunication companies sa syudad nin Naga mantang piggigibo an Traslacion procession, Bicol Regional Military Parade asin an Fluvial procession na pigdadaguso nin dagmang na katao.

Pasado sa Sangguniang Panlungsod (SP) kan syudad nin Naga an resolution na suspendiron an serbisyo kan cellphone signal mantang piggigibo an Traslacion procession, Bicol Regional Military Parade asin Fluvial processions sa Setyembre.

Segun ki City Councilor Melvin Ramon Buenafe, pamayo kan committee on peace and order, public safety and distaster management kan SP, an pagsuspendir kan telecom services sa syudad na nagkakawsa nin kawaran nin mobile phone signal dati nang piggigibo sa syudad bilang security measure sa mga nasambit na aktibidad kan mga panahon na mayo pa an pandemya.

Pigsabi kan konsehal na an suspension kan telecommunication services kan Globe, Smart asin Dito telecom companies may katuyuhan na tabangan an mga autoridad na makatutok sa saindang security operations mantang pyesta.

(Paulo S. Delos Santos, CEPPIO.)

A trip down memory lane with Ina | Peñafrancia Museum

CEPPIO Naga — Tue, 26 Jul 2022 09:40:17 +0000

If you are a tourist in the city, you are spoiled for choice on places to go. Especially if you are a neophyte in the pilgrimage to our Blessed Ina, it can be a daunting task to think about where to start. Where can you learn more about the Patroness of the region? Where else, but at the Our Lady of Peñafrancia Museum!

The Our Lady of Peñafrancia Museum houses various regalia, dioramas, and souvenirs of all things related to Ina. It even houses the pagoda that is used during the Fluvial processions. It really is the place to go to when you need to learn about the history and intricacies of how Ina came to Bicol; From Simon Vella, to the spread of the devotion of Ina in Bicol, up to the present day. You can even look through the many mantos or capes that has been used with the image of Ina through the years. It really brings you to a whole new time period in a way whenever you get to read about the stories behind the different mantos.

All this, for an entrance fee of only PHP 15.00! Honestly, that’s an incredible way to spend a few hours at that price. The chance to just be able to learn more about Our Lady of Peñafrancia is truly a priceless experience if we’re being real here.

So don’t miss this opportunity. If you can, aside from visiting the churches and the Image of Ina itself, make it a point to visit the Our Lady of Peñafrancia Museum as well. It’ll be worth your time and if you feel so inclined, you might even snag a souvenir along the way!

The Our Lady of Peñafrancia Museum is open from Monday to Saturday, 9:00 AM to 5:00 PM.

(Words by Agnete Jonathan Noble, Photos by Vic Villaflor. CEPPIO.)

Naga sets dates of events for Peñafrancia fiesta ‘22

CEPPIO Naga — Wed, 20 Jul 2022 07:00:35 +0000

The City Government of Naga released on Friday (July 15) the designated dates of major events for the celebration of the Peñafrancia fiesta in September, this year.

Mayor Nelson Legacion expressed optimism that the civic and religious activities for this year’s 312th devotion to the Our Lady of Peñafrancia will push through and that there will be no situation that will compel the LGU and the Archdiocese of Caceres to cancel the biggest Marian festival in Southeast Asia.

The calendar of events for this year’s regional fiesta which is traditionally being held in the city every year:

Event	Date	Time	Venue/ Route
Miss Bicolandia	September 7, 2022 (Wednesday)	7:00 PM	Jesse M. Robredo Coliseum
Peñafrancia Traslacion Procession	September 9, 2022 (Friday)	3:00 PM	Peñafrancia Shrine to Naga Metropolitan Cathedral
Regional Scouts Parade, Drum and Bugle Corps/Drum Xylophone and Majorettes Corps Competition	September 14, 2022 (Wednesday)	7:00 AM	Panganiban Drive to Plaza Quezon
Civic Parade and Float Competition	September 15, 2022 (Thursday)	7:30 AM	Panganiban Drive to Plaza Quezon
Bicol Regional Military Parade Bands/Majorettes Exhibition	September 16, 2022 (Friday)	7:00 AM	Panganiban Drive to Plaza Quezon
Peñafrancia Fluvial Procession	September 17, 2022 (Saturday)	4:00 PM	Naga River

In a related development, City Administrator Elmer Baldemoro said on Wednesday that the City Development Council (CDC) has already passed a resolution approving the inclusion of the P8-M Peñafrancia Festival Support Fund in the city government’s Annual Investment Plan (AIP).

The inclusion of the proposed P8-M Peñafrancia Festival Support Fund in AIP will allow the city council on Tuesday (July 26) to re-deliberate on and pass the necessary legislation for the release of the fund.

(Jason B. Neola, CEPPIO.)