CSNHS – CITY OF NAGA https://www2.naga.gov.ph DAGOS PO KAMO SA MAOGMANG LUGAR Thu, 17 Nov 2022 09:13:05 +0000 en-US hourly 1 https://wordpress.org/?v=6.6.2 https://www2.naga.gov.ph/wp-content/uploads/2022/01/city-of-naga-seal-150x150.png CSNHS – CITY OF NAGA https://www2.naga.gov.ph 32 32 208614139 Orientation laban sa bullying, cybercrime asin iba pa ginibo sa CamHigh https://www2.naga.gov.ph/orientation-para-sa-junior-senior-high-schools-students-protection-vs-bullying-cybercrime-asin-iba-pang-krimen/ https://www2.naga.gov.ph/orientation-para-sa-junior-senior-high-schools-students-protection-vs-bullying-cybercrime-asin-iba-pang-krimen/#respond Tue, 15 Nov 2022 08:00:41 +0000 https://www2.naga.gov.ph/?p=50285
MGA Senior High School students kan Camarines Sur National High School sa piggigibong serye nin orientation na nagmamawot madagdagan an saindang kaaraman dapit sa sadireng kaligtasan asin mga deretso.
MGA Senior High School students kan Camarines Sur National High School sa piggigibong serye nin orientation na nagmamawot madagdagan an saindang kaaraman dapit sa sadireng kaligtasan asin mga deretso.

TANGANING orog pang mapangatamanan an mga hobenes laban sa bullying, cybercrime, asin iba pang krimen, pinagmarhay kan administrasyon kan Camarines Sur National High School (CSNHS) na isairarom sa serye nin orientation programs an saindang mga estudyantes.

Ipinahayag ni Sulpicio Alferez III, CSNHS principal, na laen kan pagpasabot kan school policies, pigtatawan pa ninda nin kaaraman an mga junior asin senior high school students dapit sa mga bagay na makakatao sainda nin kaligtasan tanganing malikayan na magin biktima nin krimen, orog na sa parte kan kababaehan, siring kan mga kaso nin biglang pagkakawara na nangyayari ngonian na mga panahon.

Kabali sa mga resource speakers sa piggigibong orientation iyo an mga personahe kan Naga City Police Office na pigtutukduan an mga estudyantes dapit sa magkakanigong pag-andam, pag-apod nin tabang, asin paglikay.

Parte kan mga hiro na nagmamawot na ilikay an mga estudyantes sa siring na kapahamakan, sinabi kan school principal na hinahahadoy ninda an mga estudyantes na gibohon na lang sa laog kan campus an saindang mga aktibidad dawa sa aldaw nin Sabado o Domingo. Segun ki Alferez, papabantayan niya sa sarong maestra o maestro an mga aki myentras nagpapraktis o naggigibo kan saindang aktibidad.

Sinabi pa kaini na nahihiling niya kaya an saindang mga estudyantes sa laenlaen na lugar dawa banggi na asin sibot pa sa pagpraktis kan inaandaman na mga school activities.

(Jason B. Neola, CEPPIO.)

]]> https://www2.naga.gov.ph/orientation-para-sa-junior-senior-high-schools-students-protection-vs-bullying-cybercrime-asin-iba-pang-krimen/feed/ 0 50285 300 na enrolees sa Mabolo Integrated High School https://www2.naga.gov.ph/300-na-enrolees-sa-mabolo-integrated-high-school/ https://www2.naga.gov.ph/300-na-enrolees-sa-mabolo-integrated-high-school/#respond Tue, 15 Nov 2022 02:00:38 +0000 https://www2.naga.gov.ph/?p=50277
SI Jerome Borromeo, Division Information Officer-Designate asin Sr. Education Program Specialist for Social Mobilization and Networking kan DepEd Naga.
SI Jerome Borromeo, Division Information Officer-Designate asin Sr. Education Program Specialist for Social Mobilization and Networking kan DepEd Naga.SI Jerome Borromeo, Division Information Officer-Designate asin Sr. Education Program Specialist for Social Mobilization and Networking kan DepEd Naga.

DAWA dae pa naitutugdok asin mayo pa nin enrolees, pigheheling kan Department of Education (DepEd) sa syudad nin Naga na laog sa 300 na kaakian tolos an posibleng mag-enrol sa Mabolo Integrated High School, ini an pigpahayag ni Jerome Borromeo, Division Information Officer-Designate asin Sr. Education Program Specialist for Social Mobilization and Networking kan DepEd Naga.

Segun sa pahayag ni Borromeo, pigheheling na mga graduates kan Mabolo Elementary School an ma-enrol sa gigibohon na bagong eskwelahan pang sekondarya tanganing dae na mag enrol pa sa Camarines Sur National High School (CSNHS) na nag abot na sa 11,500 an mga estudyantes.

Pigsaysay kan parapahayag kan DepEd Naga, na sa presente, an Mabolo Elementary School igwa nin total population na 1,200 asin pigkakarkulong 250 sagkod sa 300 an Grade 6 na nakatalaan na ma-gradwar sa masunod na taon.

An school building sa bubukasan na Mabolo Integrated High School (MIHS) na nakatalaan ipatugdok sa laog kan mahiwas na loteng pigkakamugtakan kan Mabolo Elementary School, igwa nin duwng eskalon asin may anom na classrooms.

Laen kan MIHS, saro pang eskwelahan sa Sitio Caromatig sa Barangay Carolina an nakatalaan ipahaman kan alkalde. Segun ki Borromeo, katuyuhan kan pagpalaag nin eskwelahan sa Sitio Caromatig iyo an pag-decongest kan Don Manuel I. Abella Central School.

(Jason B. Neola, CEPPIO.)

]]> https://www2.naga.gov.ph/300-na-enrolees-sa-mabolo-integrated-high-school/feed/ 0 50277