TF Paputok: 37 firecracker vendors, retailers sa Naga igwa na nin special mayor’s permit

CEPPIO Naga — Thu, 15 Dec 2022 02:00:27 +0000

Laen kan Special Mayor’s Permit hale sa lokal na gobyerno kan syudad nin Naga, an sarong firecracker vendor obligado man na magkoa pa nin License to Sell sa Regional Office kan Philippine National Police asin mag-atendir kan Fireworks Safety Seminar na tinatatao kan Bureau of Fire Protection (BFP) tanganing makapagtyenda kan nasabi nang produkto.

Laen kaiyan, pighahagad pa kan Task Force Paputok sa mga paratyenda na bawal an magpabakal nin siring na produkto sa mga menor de edad. An Task Force Paputok iyo an tinatawan poder kan lokal na gobyerno na mamahala sa pagpatyenda nin mga firecrackers o fireworks sa laog kan syudad kabali na an estriktong pag-implementar kan mga panundon para sa ligtas na selebrasyon nin Christmas asin Bagong Taon.

Sinabi ni Ramon Florendo, saro sa mga namamayo kan task force, na obligasyon kan mga paratyenda nin firecrackers na ibawal sa saindang lugar an pagsigarilyo kaibahan na an pagbawal sa siisay man na magsaray nin mga firecrackers sa mga harong o sa mga tindadahan na yaon sa Naga City People’s Mall.

Sinabi pa kaini na an mga paputok kaipuhan sabritan sa lugar na deklarado kan barangay bilang common display area asin bako sa kun saen sanang lugar sa barangay tanganing malikayan an kasulo o iba pang rimalaso.

Sa aga, aldaw nin Huebes, nakatalaan na magmeeting an 27 punong barangay kan Naga dapit sa common display area kan mga firecrackers.

(Jason B. Neola, CEPPIO.)

Christmas gift items available liwat sa plaza sa Disyembre

CEPPIO Naga — Wed, 30 Nov 2022 06:00:17 +0000

LIWAT magigin available an mga baratong Christmas gift items sa Plaza Quezon poon Disyembre 12, ngonian na taon sagkod Enero 3, 2023.

Ini an pigkunpirmar ni Efren Perez, Presidente kan City Smiles Vendors’ Association makalihis na tugutan sinda kan Sangguniang Panlungsod na makatinda sa Kinastilyohan St., hampang kan nasambit na plaza.

Segun ki Perez, labi an pasalamat kan grupo sa lokal na gobyerno, partikular na sa sanggunian huli sa pagtugot sainda na makatinda sa nakatalaan na mga petsa.

Naglalaom si Perez na makakabawi an saiyang asosasyon sa kalugian na pigwalat sainda kan pandemya na nagdara nin limitasyon sa hiro kan tao asin social gatherings arog kan Christmas parties kan mga aki sa eskwelahan.

Ngonian na padagos an full implementasyon kan face-to-face classes, pigtutugot na sa mga eskwelahan an Christmas parties kan mga estudyante kun saen nangyayari an exchange of gifts sabi pa ni Perez.

(Paulo S. Delos Santos, CEPPIO)

christmas – CITY OF NAGA

TF Paputok: 37 firecracker vendors, retailers sa Naga igwa na nin special mayor’s permit

Christmas gift items available liwat sa plaza sa Disyembre