Business Stimulus Program – CITY OF NAGA https://www2.naga.gov.ph DAGOS PO KAMO SA MAOGMANG LUGAR Tue, 14 Mar 2023 17:04:32 +0000 en-US hourly 1 https://wordpress.org/?v=6.6.2 https://www2.naga.gov.ph/wp-content/uploads/2022/01/city-of-naga-seal-150x150.png Business Stimulus Program – CITY OF NAGA https://www2.naga.gov.ph 32 32 208614139 Business Stimulus Program: Kasurog sa pagbangon kan negosyo https://www2.naga.gov.ph/business-stimulus-program-kasurog-sa-pagbangon-kan-negosyo/ https://www2.naga.gov.ph/business-stimulus-program-kasurog-sa-pagbangon-kan-negosyo/#respond Mon, 08 Aug 2022 09:00:03 +0000 https://www2.naga.gov.ph/?p=41868
SARONG batch nin mga negosyantes na nagbenepisyo kan Business Stimulus Program kan syudad nin Naga. Yaon sa Retrato sinda Mayor Nelson Legacion (ika-anom hali sa wala), City Councilor Jose Perez (ika-lima hali sa wala), asin Metro PESO Manager Florencio Mongoso Jr. (ika-duwa hali sa to-ong parte).
SARONG batch nin mga negosyantes na nagbenepisyo kan Business Stimulus Program kan syudad nin Naga. Yaon sa Retrato sinda Mayor Nelson Legacion (ika-anom hali sa wala), City Councilor Jose Perez (ika-lima hali sa wala), asin Metro PESO Manager Florencio Mongoso Jr. (ika-duwa hali sa to-ong parte).

Laen kan pagpasobli nin fundo para sa pagbangon kan negosyo, pirming pigsisyerto kan gobyerno-lokal kan Naga na matawan nin tabang an mga Nagueñong negosyante tanganing mapakusog pa an saindang mga negosyo.

An syudad igwang pigtagamang P10-M kan 2020 para sa mga beneficiaries kan Business Stimulus Program.  Bago naubos an fundo kan Enero 2022, pigdugangan ini nin P7-M kan 2021 para sa pagpapadagos kan programa sa taon 2022.

Poon Setyembre 2020, maabot na sa P9.8-M an naipaluwas na fundo kan lokal na gobyerno para sa mga negosyong naipit kan pandemya.  Kan poonan an pograma kan 2020 sagkod kan nakalihis na Hulyo 2022, igwa na nin 157 na negosyong pigtabangan an nasambit na programa.  Kabali sa mga nagbenepisyo an 452 na mga tauhan o empleyado kan mga negosyante na padagos na nakakapagtrabaho.

Segun ki Benjamin Jose de Asis, project evaluation officer II kan Metro Naga Public Employment Service Office (Metro PESO), na mandato kan saindang opisina na tabangan an pag-asenso kan mga negosyo.

Sa lindong kan Business Stimulus Program, an LGU Naga nagtatabang sa mga negosyo sa paagi nin pagpasobli nin fundo na dae nin interes o zero-interest loans.  Sa 157 na negosyo, 141 an padagos na nagbabayad mantang 16 an fully paid na.

Sa 16 na negosyong nakapagbayad na kan saindang loans, 7 an liwat na nagsobli nin kwarta tanganing dugangan an saindang kapital asin swelduhan na katabang sa negosyo.

(Jason B. Neola, CEPPIO. Retrato kua ni REY BAYLON, CEPPIO.)

]]> https://www2.naga.gov.ph/business-stimulus-program-kasurog-sa-pagbangon-kan-negosyo/feed/ 0 41868 Business Stimulus Program ibobosol sagkod sa 2022 https://www2.naga.gov.ph/business-stimulus-program-ibobosol-sagkod-sa-2022/ https://www2.naga.gov.ph/business-stimulus-program-ibobosol-sagkod-sa-2022/#respond Mon, 16 Aug 2021 04:00:00 +0000 http://new.nagacity.ml/?p=26695 Pagpanao kan cheque sa mga beneficiaries kan Business Stimulus Program kan syudad
Presente si Mayor Nelson Legacion asin personal na pigduhol ni City Councilor Jose Perez, chairman kan SP Committee on Investment, Trade, Industry, and Economic Enterprise, an tseke, na igwang kantidad nin kwartang magagamit sa pagnegosyo kan sarong entrepreneur-beneficiary kan Business Stimulus Program.

Sa kamawotan na makatabang tanganing padagos na magin buhay an negosyo asin mabaskog an lokal ekonomiya dawa sa panahon nin pandemya, padagos na ibobosol kan Naga LGU an Business Stimulus Program sagkod sa masunod na taon kan 2022.

Ini an pigpahayag ni Florencio Mongoso Jr., pamayo kan Metro PESO, pagkatapos na kumpirmaron ni Alkalde Nelson Legacion sa management committee meeting kan Biyernes, Agosto 13, an implementasyon kan programa sagkod sa masunod na taon. 

Kan Mierkules, Agosto 11, kantidad nin P250,000 an pigpaluwas kan Metro PESO bilang free-interest loans sa apat na entrepreneurs kabali na an 11 mga empleyados asin empleyadas ninda. 

Sa paagi kan nasambit na programa, yaon na ngonian sa 141 gabos na mga enterprises o negosyo an pigsirbihan kan LGU Naga asin 465 na employees ninda.  An kantidad kan kwartang pigpasobli igwa nin total na P8.8-M.

Pigsaysay ni Mongoso na igwa pang tadang fundo na P1.2-M sa P10-M na pigtagama para sa pang-14 asin pang-15 na batches. 

Pigpahayag kan pamayo kan Metro PESO na pigkokonsiderar ni Alkalde Legacion na dagdagan an fundo para sa mga masurunod pang beneficiaries ngonian na taon.  Katakod kaini, pigsugo na kan alkalde an city budget officer na maghanap nin fundo para sa nasambit na katuyuhan.

Segun ki Mongoso, pigheheling kan alkalde an karahayan kun magtagama liwat nin P10-M an LGU para sa mga entrepreneur-beneficiaries kan kaparehong programa para sa masunod na taon 2022.

Pigtawan du-on pa ni Mongoso na nagiging maraot na sitwasyon kan Covid-19 cases sa Manila na posibleng padagos na magdara nin malaen na epekto sa mga probinsya na pwedeng makadamay o madanyaran an mga negosyong yaon sa mga banwaan asin syudad.   

An pagduhol kan zero-interest loan sa ika-13 na batch nin mga beneficiaries piggibo sa Pasalubong Center kan Naga City People’s Mall.  An apat compuesto nin mga negosyantes na imbwelto sa pag lechon, pagtienda nin mga pasalubong, asin duwa an maykagsadiri nin kakanan o kitchenette.

]]> https://www2.naga.gov.ph/business-stimulus-program-ibobosol-sagkod-sa-2022/feed/ 0 26695